O Arabica!
syndige fristerinne
klaprende hjerte

Du synger din blues
…Summertime, and the livin’…
vrikker deg lårkort

mellom cafébord
…is easy! Fish are jumpin…
ringer i koppen

Simen Kjærsdalen

Når to tre elskar,
er eg der.
Tenk å kunne elske så stilt,
seier eg.  Det kan du også,
seier dei.  Men eg kan ikkje det,
og eg veit dei seier det
berre for å trøyste.

Når frø fell,
er eg der.
Tenk å kunne falle så stilt,
tenkjer eg. Det kan du også,
seier dei. Men eg kan ikkje det,
og eg veit dei seier det
berre for å trøyste.

Når kista mi blir senka i jorda,
vil eit krokut furutre bøyge seg
mot Kari, kviskre:
Han døydde like stilt og fredeleg
som han levde.

Oddbjørn Aardalen

Det er ikkje tårer som renn frå oldingeaugene mine
men harpiks frå barndomens for lengst kasta greiner

Eg har klatra høgt for å finne inngangen til utgangen
Lat meg berre sitje her ein augneblink

medan vindane samlast for å rive laus dei siste barnålene
Maurane vil ta hand om dei, samle dei på sørsida

Kan du høyre dei kravle, opphissa av den søte lukta
av smeltande iskrem?

                           Knut Olav Daasvatn

Du vever ljos
vi klatrar

ei lang hand faldar seg
rundt livet mitt

han har skjegg, denne her óg
eg bed deg

ikkje meir død no
men år for år

vera fingre i grånande hår
bruer under bringa

vög ved vög
i vind

Liv Reidun Henriksen Hansen

på tibetansk fins ikke ord

for anger og klo

ser du sjøen, spør han
fall som elv
gi alt du kjemper fred

jeg lukker øynene
legger deg varsomt ned

Cecilie Cottis Østreng